16 Kaya agad na ipinatawag ng Paraon sina Moises at Aaron at sinabi: “Nagkasala ako sa Diyos ninyong si Jehova at sa inyo. 17 Ngayon, pakisuyo, patawarin ninyo ang kasalanan ko kahit ngayon lang, at makiusap kayo sa Diyos ninyong si Jehova para alisin niya sa akin ang nakamamatay na salot na ito.” 18 Kaya umalis siya* sa harap ng Paraon at nakiusap kay Jehova.+ 19 At binago ni Jehova ang direksiyon ng hangin; iyon ay naging isang napakalakas na hanging kanluran, at tinangay nito sa Dagat na Pula ang mga balang. Walang natira kahit isang balang sa buong teritoryo ng Ehipto.