-
2 Hari 9:1-3Bagong Sanlibutang Salin ng Banal na Kasulatan
-
-
9 Pagkatapos, tinawag ng propetang si Eliseo ang isa sa mga anak ng mga propeta at sinabi rito: “Ibigkis mo sa baywang mo ang damit mo, at dalhin mo ang langis na ito at pumunta ka kaagad sa Ramot-gilead.+ 2 Pagdating mo roon, hanapin mo si Jehu+ na anak ni Jehosapat na anak ni Nimsi; pumasok ka at ihiwalay mo siya sa iba pang mga pinuno at dalhin mo siya sa kaloob-loobang silid. 3 Pagkatapos, kunin mo ang langis at ibuhos mo iyon sa ulo niya at sabihin mo, ‘Ito ang sinabi ni Jehova: “Inaatasan* kita bilang hari sa Israel.”’+ Pagkatapos, buksan mo ang pinto at umalis ka kaagad.”
-
-
2 Hari 9:30-33Bagong Sanlibutang Salin ng Banal na Kasulatan
-
-
30 Nang dumating si Jehu sa Jezreel,+ nalaman iyon ni Jezebel.+ Kaya kinulayan niya ng itim ang mga mata niya at inayusan ang ulo niya at dumungaw sa bintana. 31 Pagpasok ni Jehu sa pintuang-daan, sinabi ni Jezebel: “Napabuti ba si Zimri, ang pumatay sa kaniyang panginoon?”+ 32 Tumingala si Jehu sa bintana at nagsabi: “Sino ang kampi sa akin? Sino?”+ Dalawa o tatlong opisyal sa palasyo ang agad na dumungaw sa kaniya. 33 Sinabi niya: “Ihulog ninyo siya!” Kaya inihulog nila si Jezebel, at ang dugo nito ay tumilamsik sa pader at sa mga kabayo, at pinagtatapakan ng mga kabayo ni Jehu si Jezebel.
-