7 Ang inukit na imaheng ginawa niya ay ipinasok niya sa bahay ng tunay na Diyos+ na tinutukoy ng Diyos nang sabihin Niya kay David at sa anak nitong si Solomon: “Permanente kong ilalagay ang pangalan ko sa bahay na ito at sa Jerusalem, na pinili ko mula sa lahat ng tribo ng Israel.+ 8 At hindi ko aalisin ang Israel* sa lupaing ibinigay ko sa mga ninuno nila kung susundin nilang mabuti ang lahat ng iniutos ko sa kanila, ang buong Kautusan, mga tuntunin, at mga hudisyal na pasiya na ibinigay ko sa pamamagitan ni Moises.” 9 Patuloy na iniligaw ni Manases ang Juda at ang mga taga-Jerusalem, kaya mas masahol pa ang ginawa nila kaysa sa ginawa ng mga bansang nilipol ni Jehova sa harap ng mga Israelita.+