5 Sinabi niya sa kanila: “Umalis muna kayo at bumalik pagkatapos ng tatlong araw.” Kaya umalis ang bayan.+ 6 Pagkatapos, sumangguni si Haring Rehoboam sa matatandang lalaki na naglingkod sa ama niyang si Solomon noong nabubuhay pa ito. Tinanong niya sila: “Sa tingin ninyo, ano ang dapat kong isagot sa bayang ito?” 7 Sumagot sila: “Kung magiging lingkod ka ngayon ng bayang ito at pagbibigyan mo ang hinihiling nila at sasagot ka sa kanila sa mabait na paraan, habambuhay silang maglilingkod sa iyo.”