34 Pero isang lalaki ang basta na lang pumana, at tinamaan nito ang hari ng Israel sa pagitan ng mga dugtungan ng kutamaya* niya. Kaya sinabi ng hari sa tagapagpatakbo niya ng karwahe: “Bumalik tayo at ilayo mo ako sa labanan,* dahil nasugatan ako nang malubha.”+ 35 Matindi ang labanan nang araw na iyon, at ang hari ay kinailangang panatilihing nakatayo sa karwahe na nakaharap sa mga Siryano. Tumulo nang tumulo ang dugo niya sa loob ng karwaheng pandigma, at namatay siya nang gabing iyon.+