• Awit ni Solomon 4:1-3
    Bagong Sanlibutang Salin ng Banal na Kasulatan

    • 4 “Napakaganda mo, mahal ko.

      Napakaganda mo.

      Ang mga mata mo sa loob ng iyong belo ay gaya ng sa mga kalapati.

      Ang buhok mo ay gaya ng kawan ng kambing

      Na bumababa mula sa mga bundok ng Gilead.+

       2 Ang iyong mga ngipin ay gaya ng kawan ng tupa

      Na bagong gupit at bagong ligo;

      Lahat ay may kakambal

      At walang isa man ang nawawala.

       3 Ang mga labi mo ay gaya ng pulang sinulid,

      At kaakit-akit ang iyong pananalita.

      Ang mga pisngi* mong natatakpan ng iyong belo

      Ay gaya ng hiniwang granada.*