5 “Darating ang panahon,” ang sabi ni Jehova, “na magpapasibol ako mula kay David ng isang matuwid na sibol.*+ At isang hari ang mamamahala+ nang may unawa at magtataguyod ng katarungan at katuwiran sa lupain.+ 6 Sa panahon niya, ang Juda ay maliligtas,+ at ang Israel ay mamumuhay nang panatag.+ At ito ang itatawag sa kaniya: Si Jehova ang Ating Katuwiran.”+

25 “‘Ito ang sinabi ng Kataas-taasang Panginoong Jehova: “Kapag muli kong tinipon ang sambahayan ng Israel mula sa mga bayan kung saan sila nangalat,+ mapababanal ako dahil sa kanila sa harap ng mga bansa.+ At maninirahan sila sa kanilang lupain+ na ibinigay ko sa lingkod kong si Jacob.+ 26 Maninirahan sila roon nang panatag+ at magtatayo ng bahay at magtatanim ng ubas,+ at maninirahan sila nang panatag kapag inilapat ko ang hatol sa lahat ng nakapalibot sa kanila na humahamak sa kanila;+ at malalaman nila na ako ang Diyos nilang si Jehova.”’”

25 “‘“At makikipagtipan ako sa kanila para sa kapayapaan,+ at aalisin ko sa lupain ang mababangis na hayop,+ para makapanirahan sila sa ilang nang panatag at makatulog sa mga gubat.+