-
Ezekiel 35:10, 11Bagong Sanlibutang Salin ng Banal na Kasulatan
-
-
10 “Sinabi mo, ‘Magiging akin ang dalawang bansang ito at ang dalawang lupaing ito, at kukunin namin ang mga iyon,’+ kahit naroon si Jehova, 11 ‘kaya isinusumpa ko, kung paanong buháy ako,’ ang sabi ng Kataas-taasang Panginoong Jehova, ‘ipapakita ko rin sa iyo ang galit, inggit, at pagkapoot na ipinakita mo sa kanila;+ at ipapakilala ko sa kanila ang sarili ko kapag hinatulan kita.
-
-
Zefanias 2:8, 9Bagong Sanlibutang Salin ng Banal na Kasulatan
-
-
8 “Narinig ko ang panghahamak ng Moab+ at ang pang-iinsulto ng mga Ammonita,+
Na nangungutya sa bayan ko at mayabang na pinagbabantaan ang kanilang teritoryo.+
9 Kaya isinusumpa ko, kung paanong buháy ako,” ang sabi ni Jehova ng mga hukbo, na Diyos ng Israel,
“Ang Moab ay magiging kagayang-kagaya ng Sodoma,+
At ang mga Ammonita, gaya ng Gomorra,+
Na tutubuan ng mga halamang kulitis at magiging hukay ng asin at permanenteng ilang.+
Darambungin sila ng mga natira sa bayan ko,
At itataboy sila ng nalabi sa bayan ko.
-