15 Sinabi ni Pedro sa kaniya: “Ipaliwanag mo sa amin ang ilustrasyon.” 16 Kaya sinabi ni Jesus: “Kayo rin ba ay hindi pa nakauunawa?+ 17 Hindi ba ninyo alam na anumang pumapasok sa bibig ay dumadaan sa tiyan at inilalabas ng katawan? 18 Pero anumang lumalabas sa bibig ay nanggagaling sa puso, at iyon ang nagpaparumi sa isang tao.+ 19 Halimbawa, nanggagaling sa puso ang masasamang kaisipan:+ pagpatay, pangangalunya, seksuwal na imoralidad,* pagnanakaw, di-totoong testimonya, pamumusong.* 20 Ito ang mga bagay na nagpaparumi sa isang tao; pero ang kumain nang hindi muna naghuhugas* ng kamay ay hindi nagpaparumi sa isang tao.”