23 Ang mga pinuno ng mga Filisteo ay nagtipon-tipon para mag-alay ng maraming handog sa diyos nilang si Dagon+ at para magdiwang, dahil sinasabi nila: “Ibinigay ng ating diyos sa ating kamay ang kaaway nating si Samson!”

4 Nang sumunod na araw, paggising nila nang maaga, nakita nilang nakasubsob si Dagon sa tapat ng Kaban ni Jehova. Ang ulo at ang dalawang kamay ni Dagon ay putol na at nasa may pintuan. Ang bahaging isda* lang ang naiwan sa kaniya.

2 Nahulog noon si Ahazias mula sa silid niya sa bubungan sa Samaria, sa isang butas na may sala-sala. Kaya nagsugo siya ng mga mensahero at nagsabi sa kanila: “Sumangguni kayo kay Baal-zebub na diyos ng Ekron+ at alamin ninyo kung gagaling pa ako.”+