• Jeremias 30:10, 11
    Bagong Sanlibutang Salin ng Banal na Kasulatan (Edisyon sa Pag-aaral)

    • 10 “At ikaw, Jacob na lingkod ko, huwag kang matakot,” ang sabi ni Jehova,

      “At huwag kang mangilabot, O Israel.+

      Dahil ililigtas kita mula sa malayo

      At ang mga supling mo mula sa lupain kung saan sila binihag.+

      Babalik ang Jacob at magiging panatag at tiwasay,

      At walang sinumang tatakot sa kanila.”+

      11 “Dahil kasama mo ako,” ang sabi ni Jehova, “at ililigtas kita.

      Pero lilipulin ko ang lahat ng bansa kung saan kita pinangalat;+

      Gayunman, ikaw ay hindi ko lilipulin.+

      Pero didisiplinahin* kita sa tamang antas,

      At titiyakin kong mapaparusahan ka.”+

  • Ezekiel 34:13, 14
    Bagong Sanlibutang Salin ng Banal na Kasulatan (Edisyon sa Pag-aaral)

    • 13 Ilalabas ko sila mula sa mga bayan at titipunin mula sa mga lupain, at dadalhin ko sila sa lupain nila at pakakainin sa mga bundok ng Israel,+ sa tabi ng mga batis at ng lahat ng lugar sa lupaing may nakatira. 14 Pakakainin ko sila sa magandang pastulan, at manginginain sila sa matataas na bundok ng Israel.+ Hihiga sila doon sa madamong lupain+ at manginginain sa magagandang pastulan sa mga bundok ng Israel.”

  • Amos 9:14, 15
    Bagong Sanlibutang Salin ng Banal na Kasulatan (Edisyon sa Pag-aaral)

    • 14 Titipunin kong muli ang mga nabihag sa bayan kong Israel,+

      At itatayo nilang muli ang abandonadong mga lunsod at titirhan ang mga ito;+

      Magtatanim sila ng ubas at iinumin ang alak na gawa roon,+

      At gagawa sila ng mga hardin at kakainin ang bunga ng mga ito.’+

      15 ‘Itatanim ko sila sa lupain nila,

      At hindi na sila muling bubunutin

      Mula sa lupaing ibinigay ko sa kanila,’+ ang sabi ni Jehova na iyong Diyos.”