Ikaw ba’y Nauuhaw sa Kaalaman sa Bibliya?

SA LOOB ng mga dekada ang malayang pag-uusap tungkol sa Bibliya ay ipinagbawal sa mga lupaing Komunista. Subalit dahil sa natapos na ang Cold War, daan-daang libo katao ang naghahanap ng kaalaman sa Bibliya. Habang ito ay nangyayari lalo na sa mga republika ng dating Unyong Sobyet, ang kalagayan ay gayundin sa mga bansa sa Silangang Europa.

Halimbawa, isang pag-uusap sa Bibliya ang nagdulot ng malaking kagalakan sa isang 45-anyos na guro ng biyolohiya at kemistri sa Pecs, Hungary. “Isang nakapananabik at nakagagalak na karanasan na makipag-usap sa isa sa mga Saksi ni Jehova nang ako’y dumalaw sa Budapest,” sulat ng guro. “Gusto kong magbasa ng Kasulatan, at pahahalagahan ko ang pakikibahagi sa isang pag-aaral sa Bibliya. May pasasalamat kong tatanggapin ang inyong tulong.”

Ang mga Saksi ni Jehova ay nalulugod na maglaan ng gayong tulong sa mga tao saanman. Kung nais mong may dumalaw sa inyong tahanan upang makipag-usap sa iyo tungkol sa Bibliya, pakisuyong sumulat sa Watch Tower, P.O. Box 2044, 1099 Manila, o sa angkop na direksiyon na nakatala sa pahina 5.