Apocalipsis​—Malapit Na ang Dakilang Kasukdulan Nito!

“Sa lathalaing ito [na may ganiyang titulo sa itaas] ay makikita sa isang kahanga-hangang paraan ang matinding pag-ibig at malasakit na taglay ng ating Maylikha para sa lahat ng kaniyang mga lingkod,” ang isinulat ng isang nagpapahalagang mambabasa buhat sa Washington State. “Ito’y tunay na nakapagpapalakas ng pananampalataya at nakapagpapasiglang basahin ang bawat salita.”

Isinusog pa ng nagpapahalagang mambabasa: “Ang kaanyuan ng bawat kabanata ay parang di-kapani-paniwala. Hanga ako sa malinaw na tipo ng mga talatang tinatalakay, pati ang magagandang ilustrasyon at tsart. Hindi ko mailarawan ang damdamin na nanggagaling sa loob ko habang ako’y nagbabasa. Malimit na bumabalong ang luha sa aking mga mata.”

Inaakala namin na kayo man ay masisiyahan sa malinaw, may lohikang pagpapakilala kung sino ang mababangis na hayop, ang dragon, ang dakilang patutot, at ang iba pang makasagisag na karakter ng Apocalipsis. Makikita ninyo ang kahulugan para sa ating kaarawan. Ang kaakit-akit na pinabalatang aklat na ito, ang mga pahina’y kasinlaki ng sa magasing ito, ay tumatalakay talata-por-talata sa buong aklat ng Apocalipsis sa Bibliya. Pumidido na kayo ngayon. Ito’y ₱42 lamang, libre ang bayad sa koreo.

Pakisuyo pong padalhan ako ng 320-pahinang aklat ng Apocalipsis​—Malapit Na ang Dakilang Kasukdulan Nito! Ako’y naglakip ng ₱42.