‘Magbukod ng Anumang Maiipon’

Sa sinaunang kongregasyong Kristiyano, may materyal na mga pangangailangan na kailangang bigyan ng pansin. Habang nananagana ang isang tao, hinihimok siya na ‘magbukod ng anumang maiipon’ bilang kontribusyon upang matugunan ang gayong mga pangangailangan. (1 Cor. 16:1-3) Dahil sa kanilang pagkabukas-palad, ang lahat ay nagalak sa pag-uukol ng “maraming kapahayagan ng pasasalamat sa Diyos.”​—2 Cor. 9:​11, 12.

Sa ngayon, ang pambuong-daigdig na gawain ng bayan ni Jehova ay patuloy na lumalawak, na nangangailangan ng higit pang pinansiyal na tulong. Angkop lamang na tayo rin ay palagiang ‘magbukod ng anumang maiipon’ upang makatulong sa pagpunô sa pangangailangang ito. (2 Cor. 8:​3, 4) Ang materyal na pagbibigay ay magagawa sa iba’t ibang paraan. (Tingnan ang Nobyembre 1, 2001, Bantayan, pahina 28-9.) Wasto nating minamalas ito bilang isang pribilehiyo na nagdudulot ng tunay na kaligayahan.​—Gawa 20:35.