Mga Patalastas

◼ Alok sa Abril at Mayo: Mga magasing Bantayan at Gumising! Kapag dumadalaw-muli sa mga dumalo sa Memoryal, sikaping makapagpasakamay ng aklat na Itinuturo ng Bibliya sa layuning makapagpasimula ng pag-aaral sa Bibliya. Hunyo: Ano ba Talaga ang Itinuturo ng Bibliya? Hulyo at Agosto: Alinman sa mga brosyur.

◼ Ang mga tomo ng 2008 Watchtower at Awake! ay malapit nang makuha at maaari nang iorder sa tanggapang pansangay. Tandaan na ang mga ito ay special request item at dapat lamang iorder kapag espesipikong hiniling ng mga mamamahayag. Kapag natanggap ng sangay ang order nang wala pa ang mga tomo, mamarkahan ito ng “back-ordered.” Ipadadala agad sa kongregasyon ang mga tomo kapag dumating na ang mga ito mula sa sangay na naglilimbag.

◼ Kailangang magkaroon ang tanggapang pansangay ng pinakabagong rekord ng mga adres at numero ng telepono ng lahat ng koordineytor ng lupon ng matatanda at kalihim. Kung may anumang pagbabago, dapat na punan, pirmahan, at ipadala kaagad ng Komite sa Paglilingkod ng Kongregasyon ang Change of Address (S-29) form sa tanggapang pansangay.