Mga Patalastas

◼ Alok sa Abril at Mayo: Ang Bantayan at Gumising! Kapag dumadalaw-muli sa mga dumalo sa Memoryal, magtuon ng pansin sa pagpapasakamay ng aklat na Itinuturo ng Bibliya. Ang tunguhin ay makapagpasimula ng pag-aaral sa Bibliya. Hunyo: Ano ba Talaga ang Itinuturo ng Bibliya? Hulyo at Agosto: Maaaring ialok ang alinmang brosyur.

◼ Maaari nang umorder sa tanggapang pansangay ng 2009 tomo ng Ang Bantayan at Gumising! Alalahanin na ang mga ito ay special request item na dapat lamang iorder kung may mamamahayag na humihiling nito. Kung dumating na ang order ng kongregasyon maliban sa mga tomo, ang mga ito ay mamarkahang “back-ordered” at agad na ipadadala pagkarating nito mula sa sangay na nag-iimprenta.

◼ Sa mga linggo ng pansirkitong asamblea, pandistritong kombensiyon, at araw ng pantanging asamblea, ang kongregasyon ay hindi magkakaroon ng Pag-aaral ng Kongregasyon sa Bibliya, Paaralang Teokratiko Ukol sa Ministeryo, at Pulong sa Paglilingkod. Kaya naman pinasisigla namin ang lahat na pag-aralan ang mga materyal sa tatlong pulong na ito, halimbawa ay sa gabi ng Pampamilyang Pagsamba.