Mga Patalastas

◼ Alok sa Marso: Ano ba Talaga ang Itinuturo ng Bibliya? Abril at Mayo: Ang Bantayan at Gumising! Hunyo: Ano ba Talaga ang Itinuturo ng Bibliya?

◼ Ang Memoryal ay gaganapin sa Huwebes, Abril 5, 2012. Kung ang inyong pulong ay Huwebes, maaari itong idaos sa ibang araw ng linggong iyon. Kung hindi ito posible, ang mga bahagi sa Pulong sa Paglilingkod na kapit sa inyong kongregasyon ay maaaring isama sa ibang Pulong sa Paglilingkod.

◼ Ang mga video na Young People Ask—How Can I Make Real Friends? at Young People Ask—What Will I Do With My Life? ay tatalakayin sa mga Pulong sa Paglilingkod. Kung kailangan, dapat kayong mag-request agad nito sa inyong kongregasyon.

◼ Kung pinaplano ninyong maglakbay sa isang lupaing hindi nakatala sa kasalukuyang ulat ng taon ng paglilingkod o sa adres sa huling pahina ng pinakabagong Taunang Aklat, pakisuyong makipag-ugnayan sa inyong tanggapang pansangay para alamin kung anu-anong pag-iingat ang kailangang gawin o tagubilin ang kailangang sundin. Posibleng may paghihigpit sa ating gawain sa lugar na iyon. (Mat. 10:16) Sa ilang lupain, baka hindi makabubuting makipag-ugnayan sa lokal na mga Saksi o kongregasyon ang mga turista. Ang tanggapang pansangay ay maaaring magbigay ng iba pang tagubilin hinggil sa di-pormal na pagpapatotoo o pagdadala ng literatura. Ang inyong kooperasyon ay makatutulong para makaiwas kayo sa di-kinakailangang mga problema at hindi maapektuhan ang gawaing pang-Kaharian sa bansang pupuntahan ninyo.—1 Cor. 14:33, 40.