Pagsulong sa Paglilingkod sa Larangan

Isang kagalakang iulat ang anim na bagong peak noong Pebrero! Ang bilang ng mga mamamahayag ay umabot ng 199,123—4 na porsiyentong pagsulong. Ang iba pang peak ay 38,174 na regular pioneer, 274,339 na pag-aaral sa Bibliya, at 1,325,616 na pagdalaw-muli. Napakaraming binhi ang naihasik, at 155,788 aklat at video ang naipamahagi, pati na ang 2,438,549 na magasin. Linangin natin ang interes ng mga natagpuan at tumulong sa paggawa ng marami pang alagad habang papalapít ang wakas.—Mat. 28:19, 20.