Patuloy na Maghintay Nang May Pagbabata

Gaano katagal ka nang naghihintay sa pagdating ng Kaharian ng Diyos? Hinihintay mo ba ito nang may pagbabata sa kabila ng mga pagsubok? (Ro 8:25) Ang ilang Kristiyano ay dumaranas ng pagkapoot, pagmamalupit, pagkabilanggo, o bantang kamatayan pa nga. Marami naman ang napapaharap sa problemang gaya ng malubhang sakit o pagtanda.

Ano ang tutulong sa atin para makapaghintay tayo sa kabila ng mga hamon? Kailangan nating palakasin ang ating pananampalataya sa pamamagitan ng araw-araw na pagbabasa ng Bibliya at pagbubulay-bulay rito. Magpokus tayo sa ating pag-asa. (2Co 4:16-18; Heb 12:2) Magsumamo tayo kay Jehova sa panalangin at hingin ang banal na espiritu. (Luc 11:10, 13; Heb 5:7) Tutulungan tayo ng ating maibiging Ama na “makapagbata nang lubos at magkaroon ng mahabang pagtitiis taglay ang kagalakan.”—Col 1:11.

PANOORIN ANG VIDEO NA DAPAT TAYONG ‘TUMAKBO NANG MAY PAGBABATA’—MAGTIWALANG MAKUKUHA MO ANG GANTIMPALA. PAGKATAPOS, SAGUTIN ANG SUMUSUNOD NA MGA TANONG:

• 

  Anong mga “di-inaasahang pangyayari” ang puwedeng mapaharap sa atin? (Ec 9:11)

• 

  Paano nakakatulong ang panalangin kapag may mga problema?

• 

  Kung hindi na tayo makapaglingkod kay Jehova na gaya ng dati, bakit makabubuting magpokus tayo sa mga bagay na kaya pa nating gawin?

• 

  Ano ang nakakatulong sa iyo na patuloy na magtiwalang makukuha mo ang gantimpala?