“Ang Pader”

Nang sumulat si apostol Pablo sa mga Kristiyano sa Efeso tungkol sa pagkakaisa, ikinumpara niya ang Kautusang Mosaiko sa isang pader na naghihiwalay sa mga Judio at Gentil. (Efe 2:14) Posibleng nasa isip ni Pablo ang pader ng maliliit na looban sa templo sa Jerusalem noong unang siglo. Tinatawag na Soreg ang mababang pader na ito. Harang ito para sa mga Gentil, at papatayin ang sinuman sa kanila na tatawid dito. Minsan, inumog si Pablo sa templo dahil pinagbintangan siya ng mga Judio na nagpasok ng mga Gentil sa maliit na looban. (Gaw 21:26-31) Para maintindihan kung ano ang gustong sabihin ni Pablo nang isulat niya ang tungkol sa “pader” na ito, panoorin ang video.