Isang Kaharian na Mamamahala sa Buong Mundo

Alam mo ba kung ano ang Kahariang ito?​— Oo, ito ang Kaharian ng Diyos. Gagawin nitong paraiso ang buong mundo. Gusto mo bang matuto tungkol sa Kahariang ito?​—

Ang isang kaharian ay may hari. At ang hari ang namamahala sa lahat ng tao sa lupain niya. Alam mo ba kung sino ang Hari sa Kaharian ng Diyos?​— Si Jesu-Kristo. Nakatira siya sa langit. At malapit na siyang maging Hari ng lahat ng nasa lupa! Magiging masaya kaya tayo kapag si Jesus na ang Hari sa buong mundo?​—

Magiging masayang-masaya tayo! Sa Paraiso, wala nang mag-aaway. Wala nang gera. Magmamahalan ang mga tao. Wala nang magkakasakit o mamamatay. Makakakita ang bulag, makakarinig ang bingi, makakatakbo at makakatalon ang mga pilay. Maraming pagkain para sa lahat. Magiging mabait ang lahat ng hayop at makakalaro natin sila. Mabubuhay-muli ang mga taong namatay. Marami sa mga lalaki at babae na nakilala mo sa brosyur na ito gaya nina Rebeka, Rahab, David, at Elias ay mabubuhay din! Gusto mo ba silang makita sa Paraiso?​—

Mahal ka ni Jehova at gusto niyang maging masaya ka. Kung lagi kang mag-aaral tungkol kay Jehova at susundin mo siya, puwede kang mabuhay nang walang hanggan sa isang magandang paraiso! Gusto mo ba iyon?​—