Ang Hapunan ng Panginoon

1. Jehova, Amang nasa langit,

Ito ay sagradong gabi.

Noo’y ’pinakita ang ’yong katarungan,

Lakas, dunong, at pag-ibig.

Kordero ng Paskuwa’y nagligtas,

At bayan mo ay lumaya.

Nang maglaon, dugo ni Kristo’y ’binuhos

Bilang katuparan ng hula.

2. ’Pinaaalala sa amin

ng tinapay at ng alak

Halagang katumbas

na binayaran mo,

Inihandog ang ’yong Anak.

Ito ay gabi ng Memoryal;

Dapat na alalahanin.

’Yong Anak ay nagdusa

at siya’y namatay,

Nagsilbing pantubos sa amin.

3. Ngayon, kami ay natitipon,

Tugon sa paanyaya mo.

Upang purihin ka

sa iyong pag-ibig

At ngalan mo’y parangalan.

Memoryal ay magpapatibay

Sa aming puso’t isipan.

At lalakad kami sa daan ni Jesus,

Nang mabuhay magpakailanman.