Kristiyanong Pag-aalay

1. Dahil likha ni Jehova

Ang langit at lupa,

Buong uniberso’y kaniya,

Gawa niyang kay ganda.

Ang kaniyang regalong buhay,

Isang katunayan

Na siya’y nararapat sambahin

At laging papurihan.

2. Anak ay nagpabautismo;

Sa Diyos nanalangin:

‘Ang ’yong kalooban, Ama,

ay handa kong gawin.’

Nang sa Jordan siya’y umahon

Bilang pinahiran,

Si Kristo’y naging masunurin,

Tapat na naglingkuran.

3. Narito kami, Jehova,

Handa na ang buhay,

Aming sarili’y ’tinakwil,

Sa ’yo inialay.

Ang ’yong Anak ay ’sinugo,

Nagbayad ng buhay.

Sa ’min ang may-ari ay ikaw,

Mabuhay ma’t mamatay.