AWIT 161
Kaligayahan Kong Gawin ang Kalooban Mo
1. Sa Jordan, siya’y nagpabautismo,
Ang minamahal mong anak.
Tinupad niya ang ’yong layunin
Nang buong makakaya.
Sa harap ng bawat pagsubok
Ay tapat siyang naglingkod.
Ang sigasig niya sa ’yong ngalan,
’Yan ang aking susundan.
(KORO)
Kaligayahan ko, O Diyos,
Gawin ang kalooban mo.
Buong pusong maglilingkod;
Susundin ang utos mo.
Dahil sa kalooban mo,
May buhay na hinihintay.
At dahil sa pag-ibig mo,
Buhay ko’y ibibigay
Sa ’yo, O Diyos.
2. Karangalan ko, O Jehova,
Na matawag na lingkod mo.
Ang lahat ng natututuhan
Ay ibabahagi ko.
Pipiliin kong makasama
Ang iyong buong bayan.
Dadalhin ko ang ’yong pangalan
At lul’walhatiin ka.
(KORO)
Kaligayahan ko, O Diyos,
Gawin ang kalooban mo.
Buong pusong maglilingkod;
Susundin ang utos mo.
Dahil sa kalooban mo,
May buhay na hinihintay.
At dahil sa pag-ibig mo,
Buhay ko’y ibibigay
Sa ’yo, O Diyos
Magpakailan pa man.
(Tingnan din ang Awit 40:3, 10.)