HOGLA

Ang ikatlo sa nakatalang limang anak na babae ni Zelopehad. Yamang ang kaniyang ama ay hindi nagkaroon ng mga anak na lalaki, ang mana nito ay hinati-hati sa limang anak na babae sa kundisyon na mag-aasawa sila sa loob ng sarili nilang tribo ni Manases, upang “ang kanilang mana ay manatiling nasa tribo ng pamilya ng kanilang ama” at hindi “magpapalipat-lipat sa tribo at tribo.”​—Bil 36:1-12; 26:33; 27:1-11; Jos 17:3, 4.