JEIEL

1. Isang inapo ng anak ni Jacob na si Ruben.​—1Cr 5:1, 7.

2. Isang Benjamita na namayang kasama ng kaniyang pamilya (asawang si Maaca at sampung anak) sa Gibeon; isang ninuno ni Haring Saul. (1Cr 8:29; 9:35-39) Lumilitaw na siya rin si Abiel.​—1Sa 9:1; tingnan ang ABIEL Blg. 1.

3. Isa sa makapangyarihang mga lalaki ni David; anak ni Hotam na Aroerita.​—1Cr 11:26, 44.

4. Isang Levita, kapuwa isang bantay ng pintuang-daan at isang manunugtog, na nakibahagi sa musikal na pagdiriwang noong unang dalhin sa Jerusalem ang Kaban at pagkatapos nito ay tumugtog sa harap ng tolda na kinaroroonan ng Kaban.​—1Cr 15:17, 18, 21, 28; 16:1, 4, 5 (ang ikalawang paglitaw ng pangalang iyon sa tal 5).

5. Isa pang Levitang manunugtog na nagsagawa ng mga paglilingkod na katulad niyaong sa Blg. 4. (1Cr 16:5, ang unang paglitaw ng pangalang iyon sa talatang ito) Tinatawag siyang Jaaziel sa 1 Cronica 15:18 at Aziel sa 15:20.

6. Isang Levitikong inapo ni Asap at ninuno ng Levita na nagpatibay-loob kay Haring Jehosapat at sa mga tumatahan sa Juda at Jerusalem na huwag matakot sa kanilang mga kaaway, sapagkat si Jehova ay sasakaniyang bayan.​—2Cr 20:14-17.

7. Ang kalihim na nagrehistro at bumilang sa hukbo ni Haring Uzias.​—2Cr 26:11.

8. Isa sa mga pinunong Levita na nagbigay ng napakalaking abuloy na mga hayop para sa pagdiriwang ng dakilang Paskuwa na isinaayos ni Haring Josias.​—2Cr 35:1, 9.

9. Isang inapo ni Adonikam na naglakbay na kasama ni Ezra mula sa Babilonya patungong Jerusalem noong 468 B.C.E.​—Ezr 8:1, 13.

10. Isa sa mga anak ni Nebo na nagpaalis sa kanilang mga asawang banyaga at mga anak noong mga araw ni Ezra.​—Ezr 10:43, 44.