REZON

[malamang, Mataas na Opisyal].

Isang kalaban ni Haring Solomon. Ang anak na ito ni Eliada ay naglingkuran kay Hadadezer na hari ng Zoba, na mula sa kaniya kinuha ni David ang Damasco. Gayunman, iniwan ni Rezon si Hadadezer, at nag-organisa ng isang pangkat ng mandarambong. Sa isang panahong hindi binanggit, si Rezon mismo ay naghari sa Sirya mula sa Damasco, at lalo na mula noong panahon ng pag-aapostata ni Solomon hanggang noong katapusan ng paghahari nito, ibinulalas ni Rezon ang kaniyang pagkamuhi sa Israel. (1Ha 11:23-25; 1Cr 18:3-6) Kung, gaya ng iminumungkahi ng iba, siya ang taong tinatawag na Hezion sa 1 Hari 15:18, mangangahulugan ito na siya ang pinagmulan ng Siryanong dinastiya na nagkaroon ng maraming pakikipag-ugnayan sa Israel.