KAYAMANAN MULA SA SALITA NG DIYOS | ISAIAS 34-37
Pinagpala si Hezekias Dahil sa Kaniyang Pananampalataya
Isinugo ni Senakerib, hari ng Asirya, si Rabsases sa Jerusalem para piliting isuko ng mga Judio ang kanilang lunsod. Kung ano-ano ang sinabi ng mga Asiryano para hindi na lumaban ang mga Judio.
Walang maaasahang tulong. Walang maitutulong sa inyo ang Ehipto.—Isa 36:6
Pag-aalinlangan. Hindi makikipaglaban si Jehova para sa inyo dahil wala na ang pagsang-ayon niya sa inyo.—Isa 36:7, 10
Pananakot. Hindi kayo magtatagumpay laban sa makapangyarihang hukbo ng mga Asiryano.—Isa 36:8, 9
Panghihikayat. Kung susuko kayo, magkakaroon kayo ng mas magandang buhay.—Isa 36:16, 17
Nagpakita si Hezekias ng matibay na pananampalataya kay Jehova
Ginawa niya ang buong makakaya niya para maihanda ang lunsod sa pagkubkob
Nanalangin siya kay Jehova na iligtas sila at hinimok niya ang bayan na gawin din iyon
Pinagpala ang pananampalataya niya nang isugo ni Jehova ang isang anghel para patayin ang 185,000 kawal na Asiryano sa loob lang ng isang gabi