Nasaan ka na sa daan tungo sa bautismo?
PAMUMUHAY BILANG KRISTIYANO
Piliing Paglingkuran si Jehova
Kung isa kang di-bautisadong kabataan o Bible study, tunguhin mo bang magpabautismo? Bakit dapat mo itong gawin? Ang pag-aalay at bautismo ay pasimula ng pagkakaroon ng malapít na kaugnayan kay Jehova. (Aw 91:1) Nagliligtas din ang mga ito. (1Pe 3:21) Paano mo maaabót ang tunguhing ito?
Patunayan sa sarili na ito ang katotohanan. Kapag may mga tanong ka, mag-research. (Ro 12:2) Alamin ang mga dapat mong baguhin, at gawin ang mga pagbabagong iyon dahil gusto mong mapasaya si Jehova. (Kaw 27:11; Efe 4:23, 24) Laging humingi ng tulong sa kaniya. Makakaasa kang papalakasin ka at tutulungan ni Jehova sa pamamagitan ng kaniyang makapangyarihang banal na espiritu. (1Pe 5:10, 11) Sulit na sulit ang lahat ng pagsisikap mo. Wala nang pinakamagandang paraan ng pamumuhay kundi ang paglingkuran si Jehova!—Aw 16:11.
PANOORIN ANG VIDEO NA DAAN TUNGO SA BAUTISMO. PAGKATAPOS, SAGUTIN ANG SUMUSUNOD NA MGA TANONG:
Para mabautismuhan, anong mga hadlang ang napagtagumpayan ng ilan?
Paano ka magkakaroon ng pananampalatayang kailangan para maialay ang iyong sarili kay Jehova?
Ano ang nagpakilos sa ilan na abutín ang mga kuwalipikasyon para sa bautismo?
Anong mga pagpapala ang tinanggap ng mga pumiling paglingkuran si Jehova?
Ano ang kahulugan ng pag-aalay at bautismo?