Gamitin sa Ministeryo ang Masayang Buhay Magpakailanman

Gustong-gusto na nating gamitin ang bagong brosyur at aklat sa pagba-Bible study! Ipinapanalangin natin na pagpalain ni Jehova ang pagsisikap nating gumawa ng mas marami pang alagad. (Mat 28:18-20; 1Co 3:6-9) Paano natin gagamitin ang mga bagong tool?

Dahil ang Masayang Buhay Magpakailanman ay isang bagong paraan ng pagtuturo, sundin ang mga tagubiling ito sa paghahanda at pagdaraos ng Bible study.a

• Basahin ang pag-aaralan, at talakayin ang mga tanong

• Basahin ang tekstong may nakasulat na “basahin,” at tulungan ang Bible study kung paano ito isasabuhay

• I-play at talakayin ang mga video gamit ang mga tanong na ibinigay

• Sikaping tapusin ang bawat aralin sa tuwing magba-Bible study

Sa ministeryo, ialok muna ang brosyur para malaman kung interesado ang isang tao. (Tingnan ang kahong “Kung Paano Iaalok sa Unang Pag-uusap ang Brosyur na Masayang Buhay Magpakailanman.”) Kung natapos na ninyong pag-aralan ang brosyur at gusto pang magpatuloy ng Bible study, ialok ang aklat at magsimula sa aralin 04. Kung may ini-study ka sa aklat na Itinuturo o sa aklat na Manatili sa Pag-ibig, ilipat siya sa aklat na Masayang Buhay Magpakailanman at tingnan kung saan kayo dapat magsimula.

PANOORIN ANG VIDEO NA MAG-ENJOY SA PAG-AARAL NG BIBLIYA. PAGKATAPOS, SAGUTIN ANG SUMUSUNOD NA MGA TANONG:

• Ano ang matututuhan ng mga Bible study sa bagong aklat?

• Bakit dapat mong ipapanood sa mga bagong Bible study ang video na ito?

• Anong mga goal ang puwede mong imungkahi sa Bible study mo na puwede niyang subukang abutin?​—Tingnan ang chart na “Pokus at mga Puwedeng Ipasubok sa Bawat Seksiyon”