PAMUMUHAY BILANG KRISTIYANO

Tulungan ang mga Di-relihiyoso na Makilala ang Maylalang

Nag-aalangan ka ba na magpatotoo sa mga di-relihiyoso dahil baka hindi sila makinig? Kung oo, tandaan na maraming di-relihiyoso—kasama na ang mga ateista—ang naging Saksi ni Jehova. Madalas, kailangan lang nila ng tulong para makitang umiiral ang Diyos.—Ro 1:20; 10:14.

PANOORIN ANG VIDEO NA PUWEDENG MAGKAROON NG PANANAMPALATAYA ANG MGA WALA NITO—MGA DI-RELIHIYOSO. PAGKATAPOS, SAGUTIN ANG SUMUSUNOD NA MGA TANONG:

Paano nakatulong sa iyo ang karanasan ni Tommaso para magkaroon ng positibong pananaw sa pagpapatotoo sa mga di-relihiyoso?

Ang sagot mo

Kung paano ito gagawin

Kung sabihin ng isang tao na hindi siya naniniwala sa Diyos, maging mabait, mataktika, at makinig nang mabuti sa opinyon niya. (2Ti 2:24) Pag-usapan ang mga paksang magugustuhan niya. Okey lang ba sa kaniya na pag-usapan ang mga ebidensiyang nakakumbinsi sa iba na mayroon ngang Maylalang? Kung oo, gamitin ang mga publikasyon at video na dinisenyo para dito. Isinama na ang brosyur na Saan Nagmula ang Buhay? sa Toolbox sa Pagtuturo para madali itong ma-access.

Sa umpisa, baka kabahan kang ipakipag-usap ang katotohanan sa isang hindi naniniwala sa Diyos. Puwede kang magpatulong sa isang makaranasang kapatid. Tandaan din na matutulungan tayo ni Jehova na maabot ang puso ng mga nakaayon sa buhay na walang hanggan—kahit hindi sila naniniwala sa kaniya sa umpisa.—Gaw 13:48.