Watchtower ONLINE LIBRARY

Lucas 18:35

Bagong Sanlibutang Salin ng Banal na Kasulatan
- 35 Habang papalapit si Jesus sa Jerico, may isang lalaking bulag na nakaupo sa tabi ng daan at namamalimos.+

Lucas 18:35

Bagong Sanlibutang Salin ng Banal na Kasulatan
- 35 At habang papalapit siya sa Jerico ay may isang lalaking bulag na nakaupo sa tabi ng daan at namamalimos.+

Mga Study Note sa Lucas—Kabanata 18

Bagong Sanlibutang Salin ng Banal na Kasulatan (Edisyon sa Pag-aaral)
- 18:35
  
  Jerico: Ang unang lunsod sa Canaan sa kanluran ng Ilog Jordan na nasakop ng mga Israelita. (Bil 22:1; Jos 6:1, 24, 25) Nang maglaon, naging tiwangwang ito, pero pagkabalik ng mga Judio mula sa pagkatapon sa Babilonya, nagtayo ulit sila ng lunsod sa lugar na iyon dahil may mapagkukunan doon ng tubig (ang ‘Ein es-Sultan). Noong panahon ni Jesus, nagkaroon ng isang bagong Romanong lunsod mga 2 km (mahigit isang milya) sa timog ng Judiong lunsod. Posibleng iyan ang dahilan kaya sa ulat nina Mateo at Marcos, ang binanggit ay “papalabas . . . sa Jerico” si Jesus (Mat 20:29; Mar 10:46), pero sinabi naman sa ulat ni Lucas na papalapit si Jesus sa Jerico. Posibleng pinagaling ni Jesus ang lalaking bulag noong palabas siya sa Judiong lunsod at papasók sa Romanong lunsod.—Tingnan ang Ap. B4 at B10.
  
  isang lalaking bulag: Dalawang lalaking bulag ang binanggit ni Mateo (20:30), pero isa lang ang binanggit nina Marcos (10:46) at Lucas. Posibleng nagpokus sila sa lalaking bulag na si Bartimeo, na pinangalanan lang sa ulat ni Marcos.