Watchtower ONLINE LIBRARY

Gawa 4:29

Bagong Sanlibutang Salin ng Banal na Kasulatan
- 29 At ngayon, Jehova,* bigyang-pansin mo ang mga banta nila, at tulungan mo ang iyong mga alipin na patuloy na ihayag ang iyong salita nang walang takot,

Gawa 4:29

Bagong Sanlibutang Salin ng Banal na Kasulatan
- 29 At ngayon, Jehova, pagtuunan mo ng pansin ang kanilang mga banta,+ at ipagkaloob mo sa iyong mga alipin na patuloy na salitain ang iyong salita nang buong katapangan,+

Mga Study Note sa Gawa—Kabanata 4

Bagong Sanlibutang Salin ng Banal na Kasulatan (Edisyon sa Pag-aaral)
- 4:29
  
  Jehova: Ang pananalitang ito ay bahagi ng panalangin sa “Kataas-taasang Panginoon” (Gaw 4:24b), na salin para sa salitang Griego na de·spoʹtes, na ginamit din sa pagtawag sa Diyos sa panalangin na nakaulat sa Luc 2:29. Sa panalanging ito sa Gawa, tinawag si Jesus na “iyong banal na lingkod.” (Gaw 4:27, 30) Sinipi ng mga alagad sa panalangin nila ang Aw 2:1, 2, kung saan ginamit ang pangalan ng Diyos. (Tingnan ang study note sa Gaw 4:26.) Gayundin, sa pakiusap nila kay Jehova na bigyang-pansin . . . ang mga banta nila [ng Sanedrin], gumamit sila ng mga terminong kahawig ng mga ginamit sa mga panalanging nakaulat sa Hebreong Kasulatan, gaya ng sa 2Ha 19:16, 19 at Isa 37:17, 20, kung saan ginamit ang pangalan ng Diyos.—Tingnan ang introduksiyon sa Ap. C3; Gaw 4:29.