Watchtower ONLINE LIBRARY

Roma 15:19

Bagong Sanlibutang Salin ng Banal na Kasulatan
- 19 ng mga tanda at kamangha-manghang mga bagay,*+ at ng kapangyarihan ng espiritu ng Diyos. At dahil dito, lubusan kong naipangaral sa Jerusalem ang mabuting balita tungkol sa Kristo+ at lumibot ako hanggang sa Ilirico.

Roma 15:19

Bagong Sanlibutang Salin ng Banal na Kasulatan
- 19 sa kapangyarihan ng mga tanda at mga palatandaan,+ sa kapangyarihan ng banal na espiritu; anupat mula sa Jerusalem at sa isang sirkito+ hanggang sa Ilirico ay lubusan kong naipangaral ang mabuting balita tungkol sa Kristo.+

Mga Study Note sa Roma—Kabanata 15

Bagong Sanlibutang Salin ng Banal na Kasulatan (Edisyon sa Pag-aaral)
- 15:19
  
  kamangha-manghang mga bagay: O “mga himala.”—Tingnan ang study note sa Gaw 2:19.
  
  espiritu ng Diyos: “Banal na espiritu” o “espiritu” ang mababasa sa ilang sinaunang manuskrito, pero “espiritu ng Diyos” ang mababasa sa mas maaasahang mga manuskrito.
  
  lumibot ako hanggang sa Ilirico: Ang Ilirico ay isang Romanong lalawigan at rehiyon na ang pangalan ay isinunod sa mga tribong Illyrian na nakatira doon. Makikita ito sa hilagang-kanlurang bahagi ng Peninsula ng Balkan sa baybayin ng Dagat Adriatico. (Tingnan ang Ap. B13.) Paiba-iba ang hangganan at pagkakahati nito sa buong panahon ng pamamahala ng Roma. Hindi tiyak kung ang orihinal na terminong Griego na isinaling “hanggang sa” ay nangangahulugang nakapangaral si Pablo sa Ilirico o hanggang sa hangganan lang nito.