Watchtower ONLINE LIBRARY

1 Corinto 1:17

Bagong Sanlibutang Salin ng Banal na Kasulatan
- 17 Dahil isinugo ako ni Kristo, hindi para magbautismo, kundi para ihayag ang mabuting balita,+ pero hindi gamit ang pananalita ng matatalinong tao,* para hindi mawalan ng silbi ang pahirapang tulos* ng Kristo.

1 Corinto 1:17

Bagong Sanlibutang Salin ng Banal na Kasulatan
- 17 Sapagkat isinugo ako ni Kristo,+ hindi upang magbautismo, kundi upang ipahayag ang mabuting balita, hindi nga sa pamamagitan ng karunungan sa pananalita,+ upang ang pahirapang tulos ng Kristo ay hindi mapawalang-silbi.

Mga Study Note sa 1 Corinto—Kabanata 1

Bagong Sanlibutang Salin ng Banal na Kasulatan (Edisyon sa Pag-aaral)
- 1:17
  
  isinugo ako ni Kristo, hindi para magbautismo: Awtorisadong magbautismo si Pablo (Mat 28:19), at paminsan-minsan, ginagawa niya iyon. Pero sa kontekstong ito, nililinaw niya na hindi pagbabautismo ang pangunahing atas na tinanggap niya mula kay Kristo. (1Co 1:14, 16) Ayaw niyang pagmulan ng pagkakabaha-bahagi ang pagbabautismo niya, na para bang mas mahalaga ang bautismo kapag isang apostol ang gumawa nito.
  
  pahirapang tulos ng Kristo: Dito, ang terminong “pahirapang tulos” (sa Griego, stau·rosʹ) ay sumasagisag sa kamatayan ni Jesus sa tulos. Namatay si Jesus sa ganitong paraan para mapalaya ang sangkatauhan sa pagkaalipin sa kasalanan at magkaroon ng magandang kaugnayan sa Diyos.