Watchtower ONLINE LIBRARY

2 Corinto 3:14

Bagong Sanlibutang Salin ng Banal na Kasulatan
- 14 Pero pumurol ang isip nila.+ Hanggang ngayon, nananatiling nakatakip ang telang iyon kapag binabasa ang lumang tipan,+ dahil maaalis lang iyon sa pamamagitan ni Kristo.+

2 Corinto 3:14

Bagong Sanlibutang Salin ng Banal na Kasulatan
- 14 Ngunit ang kanilang mga kakayahang pangkaisipan ay pumurol.+ Sapagkat hanggang sa araw na ito sa kasalukuyan ang gayunding talukbong ay nananatiling di-itinataas sa pagbabasa ng lumang tipan,+ sapagkat iyon ay inaalis sa pamamagitan ni Kristo.+

Mga Study Note sa 2 Corinto—Kabanata 3

Bagong Sanlibutang Salin ng Banal na Kasulatan (Edisyon sa Pag-aaral)
- 3:14
  
  pumurol ang isip nila: Dahil hindi ibinigay ng mga Israelita sa Bundok Sinai ang buong puso nila kay Jehova, “pumurol” (lit., “tumigas”) ang “isip” nila. Ganiyan din ang nangyari sa mga Judio na patuloy pa ring sumusunod sa Kautusan kahit na pinawalang-bisa na ito ng Diyos sa pamamagitan ni Jesus. Hindi nila naunawaan na inaakay sila ng Kautusan kay Jesus. (Col 2:17) Sinabi ni Pablo na para bang may nakatakip na tela sa mukha ng mga taong iyon dahil hindi sila nakakakita, o nakakaintindi. Maaalis lang ang telang iyon at mauunawaan nila nang malinaw ang mga layunin ng Diyos sa pamamagitan ni Kristo, ibig sabihin, sa pamamagitan ng pagkilala sa kaniya bilang Mesiyas at pananampalataya sa kaniya.—Luc 2:32.
  
  kapag binabasa ang lumang tipan: Tinutukoy dito ni Pablo ang tipang Kautusan na nakasulat sa mga aklat ng Exodo hanggang Deuteronomio, na isang bahagi lang ng Hebreong Kasulatan. Tinawag itong “lumang tipan” dahil pinalitan na ito ng “bagong tipan” at napawalang-bisa na ito ng kamatayan ni Jesus sa pahirapang tulos.—Jer 31:31-34; Heb 8:13; Col 2:14; tingnan ang study note sa Gaw 13:15; 15:21.