Watchtower ONLINE LIBRARY

2 Corinto 10:1

Bagong Sanlibutang Salin ng Banal na Kasulatan
- 10 Ako mismo, si Pablo, ay nakikiusap sa inyo ngayon. Tinutularan ko ang kahinahunan at kabaitan ng Kristo+ sa pakikipag-usap sa inyo. Gayunman, sinasabi ng ilan na mukha akong mahina kapag nasa harap ninyo+ pero matapang kapag hindi ninyo kaharap.+

2 Corinto 10:1

Bagong Sanlibutang Salin ng Banal na Kasulatan
- 10 Ngayon ako mismo, si Pablo, ay namamanhik sa inyo ayon sa kahinahunan+ at kabaitan+ ng Kristo, bagaman mababa ako sa kaanyuan+ sa gitna ninyo, samantalang kapag wala sa harap ninyo ay matapang ako sa inyo.+

Mga Study Note sa 2 Corinto—Kabanata 10

Bagong Sanlibutang Salin ng Banal na Kasulatan (Edisyon sa Pag-aaral)
- 10:1
  
  kabaitan ng Kristo: Nang sumulat si Pablo sa mga Kristiyano sa Corinto tungkol sa ilan sa mga pagkukulang nila, hindi siya masakit magsalita. Sa halip, tinularan niya ang kahinahunan at kabaitan ng Kristo. Ang salitang Griego na isinalin ditong “kabaitan” ay literal na nangangahulugang “pagiging mapagparaya” at puwede ring isaling “pagkamakatuwiran.” Kitang-kita kay Kristo Jesus ang katangiang ito. Noong nandito si Jesus sa lupa, lubusan niyang naipakita ang perpektong halimbawa ng pagkamakatuwiran ng Ama niya. (Ju 14:9) Sa katulad na paraan, kahit kailangan ng mga taga-Corinto ng matinding payo, mabait na nakiusap si Pablo sa kanila sa halip na basta mag-utos.