5:9

lebadura: O “pampaalsa.”—Tingnan sa Glosari, “Lebadura; Pampaalsa” at study note sa 1Co 5:6.

nagpapaalsa: O “kumakalat; nakakaapekto.” Ang pandiwang Griego na ginamit dito, zy·moʹo (paalsahin), ay kaugnay ng pangngalan para sa “lebadura,” zyʹme, na ginamit din sa talatang ito. Sa 1Co 5:6, ginamit din ni Pablo ang ganitong metapora (“ang kaunting lebadura ay nagpapaalsa sa buong masa”), na lumilitaw na isang kasabihan noon. Ipinapakita dito ni Pablo na kung paanong napapaalsa ng kaunting lebadura ang isang buong masa, kaya ring impluwensiyahan ng huwad na mga guro (dito, tumutukoy sa mga nagtataguyod ng pagtutuli) at ng mga turo nila ang buong kongregasyon.