Watchtower ONLINE LIBRARY

Efeso 2:12

Bagong Sanlibutang Salin ng Banal na Kasulatan
- 12 Nang panahong iyon, hindi pa ninyo kilala si Kristo, napakalayo ninyo sa bansang Israel, at hindi kayo bahagi ng mga tipang batay sa pangako ng Diyos;+ namumuhay kayo sa sanlibutan nang walang pag-asa at walang Diyos.+

Efeso 2:12

Bagong Sanlibutang Salin ng Banal na Kasulatan
- 12 na kayo nang mismong panahong iyon ay walang Kristo,+ hiwalay+ sa estado ng Israel at mga taga-ibang bayan sa mga tipan ng pangako,+ at kayo ay walang pag-asa+ at walang Diyos sa sanlibutan.+

Mga Study Note sa Efeso—Kabanata 2

Bagong Sanlibutang Salin ng Banal na Kasulatan (Edisyon sa Pag-aaral)
- 2:12
  
  napakalayo ninyo sa bansang Israel: Bago malaman ng mga Kristiyano sa Efeso ang mga layunin ng Diyos, ang ilan sa kanila ay di-tuling “mga tao ng ibang mga bansa.” (Efe 2:11) Napakalayo nila noon sa bansang Israel, na may espesyal na kaugnayan sa Diyos. (Exo 19:5, 6; 1Ha 8:53) Walang alam tungkol sa Diyos ang ibang mga bansa, at wala rin silang magandang katayuan sa harap niya.
  
  walang pag-asa at walang Diyos: Gaya ng mga Judio, ang mga Kristiyanong Gentil ay mga makasalanan na nanggaling sa makasalanang si Adan. Pero dahil sa hain ni Kristo Jesus, naging posible para sa di-Judiong mga bansa na maging malapít sa Diyos at magkaroon ng pag-asang mabuhay nang walang hanggan.—Efe 1:7; 2:13.