Watchtower ONLINE LIBRARY

Efeso 2:20

Bagong Sanlibutang Salin ng Banal na Kasulatan
- 20 at itinayo kayo sa pundasyon ng mga apostol at mga propeta,+ at si Kristo Jesus mismo ang pinakamahalagang batong pundasyon.*+

Efeso 2:20

Bagong Sanlibutang Salin ng Banal na Kasulatan
- 20 at kayo ay itinayo na sa pundasyon+ ng mga apostol+ at mga propeta,+ samantalang si Kristo Jesus mismo ang pundasyong batong-panulok.+

Mga Study Note sa Efeso—Kabanata 2

Bagong Sanlibutang Salin ng Banal na Kasulatan (Edisyon sa Pag-aaral)
- 2:20
  
  pinakamahalagang batong pundasyon: Dalawang beses lang lumitaw ang ekspresyong ito sa Kristiyanong Griegong Kasulatan, dito at sa 1Pe 2:6. Si Jesus ang “pinakamahalagang batong pundasyon” ng kongregasyong Kristiyano, na inihalintulad ni Pablo sa isang gusali. (Efe 2:21) Ang terminong Griego na isinalin ditong “pinakamahalagang batong pundasyon” ay lumitaw nang isang beses sa Septuagint, sa hula tungkol sa Mesiyas sa Isa 28:16. Doon, sinabi ni Jehova na gagawin niyang “pundasyon sa Sion ang isang subok na bato, ang mahalagang batong-panulok ng isang matibay na pundasyon.” Sinipi ni Pedro ang hulang ito at ipinakitang tumutukoy ito kay Jesus. (1Pe 2:4-6) Inilalagay ang pinakamahalagang batong-panulok sa kanto ng isang istraktura, gaya ng gusali o mga pader ng lunsod, kung saan nagdurugtong ang dalawang pader. Pinagdurugtong-dugtong nito ang iba pang mga bato. Dapat na nakapuwesto kaayon ng batong-panulok ang lahat ng iba pang bato sa gusali para maging matibay ito.