Watchtower ONLINE LIBRARY

Efeso 6:15

Bagong Sanlibutang Salin ng Banal na Kasulatan
- 15 at suot sa inyong mga paa ang sandalyas ng mabuting balita ng kapayapaan, na handa ninyong ihayag.+

Efeso 6:15

Bagong Sanlibutang Salin ng Banal na Kasulatan
- 15 at ang inyong mga paa+ ay may suot na panyapak para sa mabuting balita ng kapayapaan.+

Mga Study Note sa Efeso—Kabanata 6

Bagong Sanlibutang Salin ng Banal na Kasulatan (Edisyon sa Pag-aaral)
- 6:15
  
  suot sa inyong mga paa ang sandalyas . . . handa ninyong ihayag: Ang ekspresyong ginamit dito para sa “handa” ay puwede ring isaling “nasasandatahan.” Nagsusuot ng proteksiyon sa paa ang isang sundalo para maging handa siya sa labanan. Ginamit ni Pablo ang ilustrasyong ito para ipakitang dapat na laging handa ang isang Kristiyano na ihayag ang “mabuting balita ng kapayapaan.” (Isa 52:7; Ro 10:14, 15; 1Pe 3:15) Karaniwan nang ang sandalyas na suot ng mga sundalong Romano noong unang siglo ay gawa sa tatlong magkakapatong na katad na pinagdikit-dikit. May maliliit na piraso ng metal sa suwelas nito. Nakakatulong ang matibay na sandalyas nila para hindi sila madulas kahit sa mga lugar na mahirap daanan.