Watchtower ONLINE LIBRARY

2 Tesalonica 1:9

Bagong Sanlibutang Salin ng Banal na Kasulatan
- 9 Ang mga ito ay hahatulan ng parusang walang-hanggang pagkapuksa,+ kaya aalisin sila sa harap ng Panginoon at hindi na nila makikita ang kaniyang maluwalhating kapangyarihan;

2 Tesalonica 1:9

Bagong Sanlibutang Salin ng Banal na Kasulatan
- 9 Ang mga ito mismo ay daranas ng parusang hatol+ na walang-hanggang pagkapuksa+ mula sa harap ng Panginoon at mula sa kaluwalhatian ng kaniyang lakas,+

Mga Study Note sa 2 Tesalonica—Kabanata 1

Bagong Sanlibutang Salin ng Banal na Kasulatan (Edisyon sa Pag-aaral)
- 1:9
  
  walang-hanggang pagkapuksa: Ipinapakita ng Bibliya na may mga hahatulan ng walang-hanggang pagkapuksa. Halimbawa, sinabi ni Jesus na ang mga namumusong laban sa banal na espiritu ay “nagkasala . . . ng walang-hanggang kasalanan” at hindi kailanman mapapatawad, “hindi, hindi sa sistemang ito o sa darating na sistema.” (Mar 3:28, 29; Mat 12:32) Lumilitaw na kasama dito si Hudas, na tinawag ni Jesus na “anak ng pagkapuksa.” (Ju 17:12 at study note) Pinili ni Hudas na traidurin ang Anak ng Diyos, kaya karapat-dapat siya sa walang-hanggang pagkapuksa. Sinasabi dito ni Pablo na ang mga ayaw ‘kumilala sa Diyos’ at ang “mga hindi sumusunod sa mabuting balita tungkol sa ating Panginoong Jesus” ay tatanggap ng “walang-hanggang pagkapuksa.”—2Te 1:8.
  
  sa harap ng Panginoon: Lit., “sa mukha ng Panginoon.” Kahit na ang pananalita sa 2Te 1:9 ay kahawig ng nasa Isa 2:10, 19, 21, hindi ito tuwirang pagsipi mula sa Hebreong Kasulatan. Ang “Panginoon” dito ay puwedeng tumukoy sa Diyos na Jehova o kay Jesus. Kaya pinanatili dito ng New World Bible Translation Committee ang saling “Panginoon” para hindi sila lumampas sa papel nila bilang tagapagsalin.—Tingnan ang Ap. C1; ihambing ang study note sa Ro 10:12.