Watchtower ONLINE LIBRARY

2 Timoteo 2:23

Bagong Sanlibutang Salin ng Banal na Kasulatan
- 23 Iwasan mo rin ang walang-patutunguhan at walang-kabuluhang mga debate,+ dahil alam mong nauuwi lang sa away ang mga ito.

2 Timoteo 2:23

Bagong Sanlibutang Salin ng Banal na Kasulatan
- 23 Karagdagan pa, tanggihan mo ang mangmang at walang-muwang na mga pagtatanong,+ yamang nalalaman mong lumilikha ng mga pag-aaway+ ang mga ito.

Mga Study Note sa 2 Timoteo—Kabanata 2

Bagong Sanlibutang Salin ng Banal na Kasulatan (Edisyon sa Pag-aaral)
- 2:23
  
  Iwasan mo rin ang walang-patutunguhan at walang-kabuluhang mga debate: Sa ikatlong pagkakataon, sinabihan ni Pablo si Timoteo sa liham na ito na paalalahanan ang mga Kristiyano sa Efeso na tigilan na ang pagtatalo tungkol sa mga haka-haka at kontrobersiyal na mga bagay. (2Ti 2:14 at study note, 16) May ganito ring isyu na binanggit si Pablo sa una niyang liham kay Timoteo.—Tingnan ang study note sa 1Ti 1:4; 6:20.
  
  walang-kabuluhang: Inilarawan ni Pablo ang pagdedebate ng mga taga-Efeso na ‘walang kabuluhan,’ o sa mas literal na salin, “debate ng mga walang pinag-aralan.” Posibleng ginamit ni Pablo ang salitang ito para ipahiwatig na kapag sumasali sa ganitong mga debate ang isang Kristiyano, para bang wala siyang alam sa pangunahing turo ng mga Kristiyano at daig pa siya ng bata. Maliwanag, hindi naipapakita ng ganitong mga Kristiyano ang pangunahing turo ni Kristo—ang pag-ibig.—Ju 13:34, 35.