1:4

At naging mas dakila siya sa mga anghel: Sa liham na ito, madalas gamitin ni Pablo ang salitang “mas” para idiin na nakahihigit ang pagsamba ng mga Kristiyano. (Tingnan ang “Introduksiyon sa Hebreo.”) Si Jesus ay “naging mas dakila . . . sa mga anghel” dahil sa minana niyang pangalan. Sumasagisag ang “pangalang” iyan sa malaking awtoridad na ibinigay ni Jehova sa kaniya. (Tingnan ang study note sa Fil 2:9.) Ginawa siya ni Jehova na “tagapagmana ng lahat ng bagay.” (Heb 1:2 at study note) Inatasan din ng Diyos ang Anak niya​—hindi ang sinumang anghel​—na maging hari, apostol, at mataas na saserdote na gaya ng pagkasaserdote ni Melquisedec. (Heb 1:8; 3:1; 5:8-10; 7:1-3; ihambing ang Apo 11:15.) Bukod diyan, siya ang napiling haing pantubos na inihandog “nang minsanan.”​—Heb 1:3; 9:28.