2:15

mapalaya: Sa pamamagitan ng kamatayan ni Jesus, magagawa niya ang isang bagay na hindi kayang gawin ng kahit sinong taong saserdote—ang puksain ang Diyablo, na nagdudulot ng kamatayan. (Heb 2:14, 17) Dahil din sa pantubos, puwedeng mabuhay muli ang mga namatay. Kaya naman mapapalaya ni Jesus ang mga tao sa “takot sa kamatayan,” na umaalipin sa marami. Sa liham ni Pablo sa mga taga-Corinto, inihula niya ang tagumpay laban sa kamatayan at malinaw na sinabing “ang huling kaaway, ang kamatayan, ay mawawala na.” (1Co 15:54-57; tingnan ang study note sa 1Co 15:26.) Totoo, kaaway pa rin ang tingin ng mga Kristiyano sa kamatayan, pero ipinaalala ni Pablo na pansamantala lang ang anumang epekto nito sa mga mananatiling tapat sa Diyos.