Talababa

a Ang uring ito ay kilala bilang zeppelin, o sasakyang-panghimpapawid na may patigas yamang ito ay may matigas na balangkas, na nagpapanatili sa hugis ng sasakyan. Ang sasakyang-panghimpapawid na walang patigas​—tinatawag kung minsan na blimp​—ay walang balangkas kundi isa lamang bag na parang lobo na nagkahugis lamang dahil sa binugahan ito ng gas. Ang ikatlong uri ay ang sasakyang-panghimpapawid na may bahagyang patigas, na tulad din ng walang patigas ngunit kinabitan ng kilya sa ilalim ng bag ng gas. Ang karaniwang parte ng lahat ng sasakyang-panghimpapawid na kakaiba sa mga lobo ay ang motor nito, na magagamit upang maidirihí ang mga sasakyang-panghimpapawid.