Talababa
a Ang mga terminong bitumen, aspalto, alkitran, at pitch (matigas na alkitran) ay madalas na ginagamit nang halinhinan. Gayunman, ang bitumen ay isang panlahat na termino para sa isang klase ng maiitim at mabibigat na hydrocarbon compound na makikita sa alkitran, pitch, at petrolyo. Ang alkitran ay isang maitim at malagkit na sangkap na nakukuha bilang produkto kapag sinunog ang mga materyales na gaya ng kahoy, uling, at lumot. Kung patuloy na pasisingawin ang alkitran, ito’y magiging pitch na isang halos solidong latak. Medyo kakaunti lamang ang bitumen ng alkitran at pitch.
Ang petrolyo, o krudo, kapag pinasingaw ay nag-iiwan ng latak na halos puro bitumen. Ang bitumen na galing sa petrolyo ay tinatawag ding aspalto. Gayunman, sa maraming lugar, ang “aspalto” ay tumutukoy sa bitumen na hinaluan ng pinagsama-samang mineral na gaya ng buhangin o graba, na karaniwang ginagamit sa pagpapalitada ng mga kalye. Para sa artikulong ito, ang “aspalto” ay tumutukoy alinman sa hilaw o dinalisay na produkto mula sa Pitch Lake.