Talababa

b Hindi si Barbour ni si Russell ang unang nagpaliwanag ng muling pagbabalik ng Panginoon bilang isang di-nakikitang pagkanaririto. Nauna pa rito, si Sir Isaac Newton (1642-1727) ay sumulat na ang Kristo ay babalik at maghahari “na di makikita ng mga tao.” Noong 1856, si Joseph Seiss, isang Lutheranong ministro sa Philadelphia, Pennsylvania, ay sumulat ng tungkol sa isang dalawang-yugtong ikalawang pagparito​—isang di-nakikitang pa·rou·siʹa, o pagkanaririto, na sinusundan ng nakikitang paghahayag. Pagkatapos, noong 1864, si Benjamin Wilson ay naglathala ng kaniyang Emphatic Diaglott na may interlinyar na kababasahan ng “presence” (“pagkanaririto”), hindi “coming” (“pagparito”), para sa pa·rou·siʹa, at si B. W. Keith, isang kasamahan ni Barbour, ang nagpakita nito kay Barbour at sa kaniyang mga kasamahan.