Talababa

a Ang mga Fariseo ang pangunahin nang responsable sa anyo ng Judaismo na umiiral sa ngayon, kaya hindi nakapagtataka na humahanap pa rin ang Judaismo ng lusot sa napakaraming restriksiyon na idinagdag nito sa Sabbath. Halimbawa, masusumpungan ng isang panauhin sa isang Judiong ortodoksong ospital na kapag Sabbath ang mga elebeytor ay awtomatikong humihinto sa bawat palapag upang maiwasan ng mga pasahero ang makasalanang “gawa” ng pagdiin sa buton ng elebeytor. Kapag sumusulat ng reseta, ang ilang ortodoksong doktor ay gumagamit ng tintang nabubura pagkalipas ng ilang araw. Bakit? Inuuri ng Mishnah ang pagsulat bilang “trabaho,” ngunit binibigyang-katuturan nito ang “pagsulat” na nag-iiwan ng namamalaging marka.