Talababa

a Kailangang isaalang-alang ng ilang Kristiyanong nagtatrabaho sa mga ospital ang salik na ito ng awtoridad. Ang isang manggagamot ay may awtoridad na mag-utos ng mga gamot o mga pamamaraan sa paggamot sa isang pasyente. Kahit na hindi tutol ang pasyente, paano makapag-uutos ang isang Kristiyanong doktor ng pagsasalin ng dugo o magsagawa ng aborsiyon, yamang nalalaman niya ang sinasabi ng Bibliya sa mga bagay na ito? Sa kabaligtaran, maaaring walang gayong awtoridad ang isang nars na nagtatrabaho sa isang ospital. Habang ginagawa niya ang rutin na mga paglilingkod, maaaring utusan siya ng isang doktor na magsuri ng dugo sa ilang kadahilanan o asikasuhin ang isang pasyenteng dumating upang magpalaglag. Kasuwato ng halimbawang nakatala sa 2 Hari 5:17-​19, baka maghinuha siya na yamang hindi naman siya ang nasa awtoridad na nag-uutos ng isang pagsasalin o ng aborsiyon, maisasagawa niya ang paglilingkod sa kapuwa para sa pasyente. Mangyari pa, dapat din niyang isaalang-alang ang kaniyang budhi, upang ‘gumawi sa harap ng Diyos nang may budhing ganap.’​—Gawa 23:1.